Япония тажрибаси асосида қишлоқ хўжалиги кооперациясини ривожлантириш.

21 август куни Хаит Хакимов ва Абдуллох Шукуров Япониянинг қишлоқ хўжалиги кооперацияси тажрибасини Ўзбекистонда қўллаш, пилот лойиҳа ва Японияга study tour ташкил этиш бўйича дастлабки режаларни белгилаб олган эдилар.
Ушбу ташаббуснинг давоми сифатида томонлар Feasibility Study, япон экспертларининг Ўзбекистонга ташрифи ва ўзбекистонлик фермерлар ҳамда расмий вакилларнинг Японияга ўқув сафари масалаларини муҳокама қилдилар.
Ижобий натижаларга эришилса, Тошкент вилоятида пилот кооперация лойиҳасини амалга ошириш режалаштирилмоқда.

Яқин кунларда Абдуллох International University of Japan университетида Public Management and Policy Analysis (PMPP) магистратура дастури бўйича таҳсилни бошлайди. У аввал ҳам JICA дастурида иштирок этиб, «Кичик фермерлар фаолиятини яхшилаш учун сабзавот етиштириш технологияси» курсида таҳсил олган.
Учрашув давомида Япониянинг қишлоқ хўжалиги кооперативлари тажрибасини ўрганиш ва уни Ўзбекистон шароитига мослаштириш истиқболлари, айниқса боғдорчилик ва сабзавотчилик соҳаларида кооперацияни ривожлантириш масалалари муҳокама қилинди. Шунингдек, agricultural extension services тизими, кооперативларни ташкил этиш ва бошқаришнинг ҳуқуқий ва ташкилий асослари, қайта ишлаш, улгуржи ва чакана савдо билан боғлиқ кооперация экотизимига алоҳида эътибор қаратилди.
Биз Япония кооперативлари ва соҳавий ташкилотлар билан алоқаларни ривожлантириш, Ўзбекистонда пилот лойиҳани ишлаб чиқиш ҳамда ўзбекистонлик фермерлар ва манфаатдор давлат органлари вакиллари учун Японияга study tour ташкил этиш имкониятларини ҳам муҳокама қилдик.
Абдуллохга Япониядаги таҳсилида муваффақият тилаймиз ва унинг ўқиши давомида ушбу йўналишдаги ҳамкорликни давом эттиришни режалаштирмоқдамиз.

Тадбирда Қишлоқ хўжалиги вазирлиги, илмий-тадқиқот институтлари, Савдо-саноат палатаси, фермер хўжаликлари ва тармоқ уюшмаларидан 25 нафар мутахассис иштирок этди.
Асосий мақсад ва муаммо
Учрашувнинг асосий мақсади – Японияда JICA дастурлари доирасида олига билим ва тажрибаларни Ўзбекистон аграр соҳасига татбиқ этишдан иборат. Мутахассислар Япониядан қайтгач, ғояларни муҳокама қилиш ва уларни амалий лойиҳаларга айлантириш учун доимий платформа етишмаётганини таъкидладилар.
Келгусидаги ҳамкорлик модели Тадбир давомида қуйидаги 4 босқичли иш тизими таклиф қилинди:

1. JICA Alumni платформасини яратиш – битирувчиларнинг мунтазам мулоқот ва ғоя алмашиниш муҳитини йўлга қўйиш.
2. Ғояларни лойиҳаларга айлантириш – истиқболли ташаббуслар бўйича пилот лойиҳалар концепциясини шакллантириш.
3. JICA кўмаги – бошланғич босқичда бизнес-режа, ТEО ва эксперт ёрдамини олиш.
4. Молиялаштириш – тайёрланган лойиҳаларга халқаро ва маҳаллий инвесторларни жалб қилиш.

Муҳокама қилинган асосий йўналишлар

• Япония қишлоқ хўжалиги кооперациялари тажрибаси
• Агро-консультация (extension services) ва фермерларни қўллаб-қувватлаш
• Чорвачилик, боғдорчилик ва сабзавотчиликни ривожлантириш
• Аграр логистика ва маркетинг самарадорлиги

Учрашув якунида иштирокчилар қишлоқ хўжалигида JICA Alumni ишчи платформасини тузиш ва амалий ташаббусларни давом эттиришга келишиб олдилар.
Координаторлар: Хакимов Х., Курбонов Ф. (JICA Alumni Uzbekistan)

Тадбирда қишлоқ хўжалиги, таълим, энергетика, соғлиқни сақлаш, туризм ва бошқа кўплаб муҳим соҳалардан 90 нафардан ортиқ мутахассислар иштирок этди.
Муҳим эълон: JICA Alumni Uzbekistan платформаси
Тадбирнинг энг асосий воқеаси сифатида JICA Alumni Uzbekistan расмий платформаси ташкил этилгани эълон қилинди. Ушбу платформа турли соҳа мутахассисларини ўзаро бирлаштириш, бой тажриба алмашиш ҳамда келгусида кучли профессионал ҳамкорликни ривожлантиришга хизмат қилади.

Ташкилотчилар тадбирда иштирок этган барча битирувчиларга ўз миннатдорчилигини билдириб, келгусидаги қўшма ташаббуслар ва лойиҳаларда фаол бўлишга чақирдилар.